11/04/2024
ទទួលបេតិកភណ្ឌវប្បធម៌អរូបីថ្នាក់ជាតិពិធីដំឡើងអ្នកតា
កាលពីរសៀលថ្ងៃទី ១១ ខែមេសា មន្ទីវប្បធម៌-កីឡានិងទេសចរណ៍បានចាត់តាំងពិធីប្រកាសសេចក្តីសេចក្តីសម្រេចចិត្តអំពីបេតិកភណ្ឌវប្បធម៌អរូបីថ្នាក់ជាតិពិធីដំឡើងអ្នកតារបស់ជនជាតិខ្មែរខេត្តត្រាវិញ។
តំណាងចូលរួមពិធី។
អញ្ជើញចូលរួមពិធីមានសមមិត្ត ឡែថាញ់បិញ អនុប្រធានគណៈកម្មាធិការប្រជាជនខេត្ត សមមិត្ត ង្វៀងហ៊ឺវដាក ប្រធានស្ថាប័នតំណាងការិយាល័យក្រសួងវប្បធម៌-កីឡា និងទេសចរណ៍ប្រចាំនៅទីក្រុងហូជីមិញ បណ្តាអតីតថ្នាក់ដឹកនាំខេត្ត និងថ្នាក់ដឹកនាំមន្ទីរ ស្ថាប័នខេត្ត។
នៅក្នុងជំនឿពីបុរាណរបស់ជនជាតិខ្មែរ អ្នកតាគឺជាអាទិទេពការពារភូមិ ស្រុក។ ជំនឿសែនព្រេនអ្នកតាដ៏ពេញនិយម មិនត្រឹមតែមាននៅក្នុងជនរួមជាតិខ្មែរតែប៉ុណ្ណោះទេ នៅថែមទាំងមាននៅក្នុងជនជាតិកិញនិងជនជាតិហ្វាទៀតផង។ ទូទាំងខេត្តត្រាវិញមានអាស្រមអ្នកតាជាង ២៤០កន្លែង។
ពិធីបុណ្យដំឡើងអ្នកតាបានចាត់តាំងឡើងទៅតាមកាលកំណត់ជារៀងរាល់ឆ្នាំនៅខែ ៣, ៤, ៥ (ចន្ទគតិ) គេធ្វើឡើងដើម្បីបួងសួងសុំនូវអ្វីដែលល្អ ភោគផលអំណោយផល ក្រុមគ្រួសារ ប្រជាជនក្នុងភូមិស្រុកបានសុខក្សេមក្សាន្ត បរិបូរណ៍មានសុខភាពមាំមួន។
ពីធីដំឡើងអ្នកតាក៏ជាឱកាសដើម្បីប្រជាជនក្នុងភូមិស្រុកបានជួបជុំ សាកសួរសុខទុកគ្នាទៅវិញទៅមក ដោះដូរបទពិសោធន៍ក្នុងការផលិត ទំនាក់ទំនងកាន់តែជិតស្និទ្ធ មានភាពសប្បាយរីករាយ បន្ទាប់ពីថ្ងៃពលកម្មនឿយហត់។
នៅថ្ងៃទី២១ ខែកុម្ភៈ ឆ្នាំ ២០២៤ ក្រសួងវប្បធម៌ កីឡានិងទេសចរណ៍បានចេញសេចក្តីសម្រេចចិត្តលេខ ៣៧៧/QĐ-BVHTTDL សម្រេចចិត្ត ដាក់ពិធីបុណ្យដំឡើងអ្នកតារបស់ជនរួមជាតិខ្មែរត្រាវិញបញ្ចូលក្នុងបញ្ជីបេតិកភណ្ឌវប្បធម៌អរូបីថ្នាក់ជាតិ ប្រភេទរូបភាពពិបុណ្យប្រវេណី។
ថ្នាក់ដឹកនាំមន្ទីរវប្បធម៌ កីឡានិងទេសចរណ៍ត្រាវិញ ទទួលប័ណ្ណទទួលស្គាល់បេតិកភណ្ឌវប្បធម៌ថ្នាក់ជាតិ។
ថ្លែងយោបល់នៅពិធី អនុប្រធានគណៈកម្មាធិការប្រជាជនខេត្ត ឡេថាញ់បិញ បានអះអាងថា៖ នេះជាពិធីបុណ្យដែលសម្បូរទៅដោយមនុស្សជាតិ បានក្លាយជាសកម្មភាពវប្បធម៌ដែលមានចរិតលក្ខណៈប្រពៃណីដ៏រឹងមាំ និងជាតម្រូវការចាំបាច់ក្នុងជីវភាពរស់នៅខាងវិញ្ញាណរបស់ប្រជាជនខ្មែរនៅត្រាវិញ។ ពិធីបុណ្យនេះរួមចំណែកបង្កើតជីវភាពរស់នៅខាងស្មារតីដ៏សម្បូរបែប ស្អាតស្អំ ពង្រឹងសាមគ្គីភាពប្រកបដោយចីរភាពនៃផែនមហាសាមគ្គីរបស់សហគមន៍ជនជាតិនៅមូលដ្ឋាន។
សមមិត្ត ឡេថាញ់បិញ អនុប្រធានគណៈកម្មាធិការប្រជាជនខេត្ត ថ្លែងយោបល់នៅពិធី។
ដើម្បីលើកតម្កើងតម្លៃវប្បធម៌ប្រពៃណីដ៏ឆ្នើមរបស់ខេត្ត លោកឡេថាញ់បិញបានស្នើឱ្យវិស័យវប្បធម៌បន្តផ្សព្វផ្សាយនូវបណ្តាសកម្មភាពអភិរក្ស និងទាញយកផលប្រកបដោយប្រសិទ្ធភាព ដើម្បីបម្រើដល់ការងារអប់រំវប្បធម៌ប្រពៃណី ផ្សារភ្ជាប់ជាមួយនឹងការផ្សព្វផ្សាយទេសចរណ៍។ ពង្រឹងការឃោសនា អប់រំពីអត្ថន័យ និងសារៈសំខាន់នៃតម្លៃបេតិវប្បធម៌និយាយរួម ពិធីដំឡើងអ្នកតារបស់ជនរួមជាតិខ្មែរខេត្តត្រាវិញនិយាយដោយឡែក។ ទន្ទឹមនឹងនោះ ប្រមូល រៀបចំជាប្រព័ន្ធឯកសារ វត្ថុតាំងមានជាប់ទាក់ទងដល់ពិធីបុណ្យដំឡើងអ្នកតា ដើម្បីអភិរក្ស និងពង្រីក។ ជារៀងរាល់ឆ្នាំ ស្រាវជ្រាវ និងស្តារឡើងវិញនូវពិធីបុណ្យដំឡើងអ្នកតាធម្មតាមួយចំនួន ក្នុងគោលបំណងឆ្ពោះដល់ការបង្កើតធនធានទេសចរណ៍ សំដៅដល់ការពង្រីកវិស័យទេសចរណ៍វប្បធម៌ ស្មារតី និងជំនឿ។
ពិធីតម្លើងអ្នកតាជាបេតិភណ្ឌវប្បធម៌អរូបីថ្នាក់ជាតិទី៧ របស់ខេត្តត្រាវិញ បេតិភណ្ឌវប្បធម៌អរូបីចំនួន៦ មុននោះគឺ៖ វិចិត្រសិល្បៈ «ចម្រៀងចាប៉ី» របស់ជនរួមជាតិខ្មែរ, ពិធីបុណ្យ«អកអំបុក»របស់ជនរួមជាតិខ្មែរនៅខេត្តត្រាវិញ, វិចិត្រសិល្បៈ «ឌឺនកាតាយទឺណាមបូ», «ពិធីបុណ្យសែនសមុទ្រមីឡុង» នៅទីប្រជុំជនមីឡុង ស្រុកកូវង៉ាង, វិចិត្រសិល្បៈរបាំរបស់ជនរួមជាតិខ្មែរខេត្តត្រាវិញ, ពិធីបុណ្យ វ៉ុយឡាងថាំងហ៊ុយ ស្រុកកូវកែ ៕
×