«អុជបំភ្លឺផ្លូវតាមភូមិស្រុក»និង «ផ្លូវទង់ជាតិ» តភ្ជាប់រវាងភូមិក្រលើ និងភូមិភោ ឃុំអានក្វាងហឺវ ជាសំណង់មួយក្នុងបណ្តាសំណង់របស់យុវជនមានអត្ថន័យជាក់ស្តែងបម្រើដល់ជីវភាពរស់នៅរបស់ប្រជាជន។ ក្នុងខែយុវជនឆ្នាំនេះ សម្ព័ន្ធយុវជនស្រុកសហការជាមួយឃុំអានក្វាងហឺវបោះបង្គោលភ្លើងថាមពលព្រះអាទិត្យចំនួន ៧៥បង្គោល និងអំពូលភ្លើងអុជបំភ្លឺ។ សំណង់មានប្រវែង ៣,៥គីឡូម៉ែត្រ សរុបថវិកាជាង ១០០លានដុង។ ថវិកាភាគច្រើនអាស្រ័យដោយសម្ព័ន្ធយុវជនស្រុក និងសម្ព័ន្ធយុវជនឃុំធ្វើជាគន្លឹះ ដំណើរការដំឡើងដោយផ្ទាល់ផង និងប្រភពធនធានសង្គមូបនីយកម្មវិនិយោគផង។ ដើម្បីងាយស្រួលក្នុងការគ្រប់គ្រង បន្ទាប់ពីសម្រេចនូវបណ្តាសំណង់ បណ្តាភូមិនឹងបង្កើតក្រុមគ្រប់គ្រងដោយខ្លួនឯងដើម្បីដំណើរការ ធានានូវលក្ខឋានបរិស្ថាន និងសុវត្ថិភាពអគ្គិសនី។

ប្រជាជនភាគច្រើនមានក្តីរីករាយ ពីព្រោះសំណង់ «អុជបំភ្លឺផ្លូវជនបទ» បានបង្កលក្ខណៈងាយស្រួលសម្រាប់ប្រជាជនធ្វើដំណើរទៅមក ដោះដូរទំនិញកាន់តែបានងាយស្រួលជាងនៅពេលយប់ផង និងកាត់បន្ថយបានស្ថានភាពគ្រោះថ្នាក់ចរាចរណ៍ អបាយមុខសង្គមផង រួមចំណែកធានាសន្តិសុខ សណ្តាប់នៅមូលដ្ឋានផង។

ក្រៅពីនោះ យុវជនស្រុកថ្កូវនៅទាំងដាំផ្កាជាច្រើននៅតាមសងខាងផ្លូវ និងដាក់ទង់ជាតិនៅតាមខ្សែផ្លូវអន្តភូមិក្រលើ និងភូមិភោ។ នេះជាសកម្មភាពដ៏មាអត្ថន័យសំដែងនូវទឹកចិត្តស្នេហាជាតិ និងមោទនភាពនៃប្រជាពលរដ្ឋវៀតណាមគ្រប់រូប។ ទង់ជាតិជានិមិត្តរូបនៃស្មារតីសាមគ្គីភាព រួមកម្លាំងកាយ កម្លាំងចិត្ត ដើម្បីកសាងមាតុភូមិ ប្រទេសជាតិកាន់តែរីកចម្រើន និងជាសម្រស់វប្បធម៌របស់ប្រទេសជាតិ។ នៅពេលដែលឃើញទង់ជាតិចងនៅខាងលើ ប្រជាជនកាន់តែយល់ដឹងជាងក្នុងការថែរក្សាទីកន្លែងសាធារណៈ រួមចំណែកបង្កើតសោភ័ណភាពធំទូលាយ និងស្រស់ស្អាត។

បងគីមហៀង នៅភូមិសុខត្រលើ ឃុំអាងក្វាងហឺវ ស្រុកថ្កូវបានបញ្ចេញគំនិត៖ ប្រជាជននៅទីនេះបានឃើញសម្ព័ន្ធយុវជនស្រុក និងសម្ព័ន្ធយុវជនឃុំអនុវត្តនូវសំណង់ជាច្រើនមានអត្ថន័យដូចជា ដាក់ទង់ ដាំផ្កាលម្អស្អាតបែបនេះក៏គួររំភើបចិត្តដែរ។ ដោយឡែកខ្ញុំក៏ចលនាសមាជិកសម្ព័ន្ធយុវជននិងប្រជាជនស្រោចទឹក ជម្រះស្មៅជារើយៗដើម្បីថែរក្សាខ្សែផ្លូវភ្លឺ បៃតង ជ្រះស្អាត។

បង្កើតបរិយាកាស លើកទឹកចិត្តដល់សមាជិកសម្ព័ន្ធយុវជន យុវជនខិតខំប្រឹងប្រែងរៀនសូត្រ លត់ដំ ពង្រីកតួនាទីក្នុងអនុវត្តភារកិច្ចនយោបាយនៅមូលដ្ឋាន យុវជនស្រុកថ្កូវជំរុញមាំអនុវត្តសន្និដ្ឋានលេខ០១ ស្តីពីបន្តការអនុវត្តសារាចរលេខ០៥ រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញភ្ជាប់ជាមួយប្រធានបទឆ្នាំ ២០២៤ «យុវជនស្ម័គ្រចិត្ត រួមដៃគ្នាកសាងជនបទថ្មីដើម្បីជីវភាពសហគមន៍»។ ភស្តុតាង  គឺជួយប្រជាជនកសាងស្ពាន និងផ្លូវថ្នល់ ដាំដើមឈើអនុវត្តចលនាយុវជន ត្រាវិញរួមដៃគ្នាការពារបរិស្ថាន - យុវជនស្រុកថ្កូវបានលើកកំពស់តួនាទីឈានមុខក្នុងខែយុវជនឆ្នាំ ២០២៤។ ឆ្លងតាមរយៈនោះ បំផុសស្មារតី និងទទួលខុសត្រូវរបស់យុវជន និងបង្កើតការឯកភាពគ្នាខ្ពស់ក្នុងប្រជាជនដោយឆ្លងតាមបណ្តាសំណង់ជនបទថ្មី។

ដោះដូរជាមួយយើងខ្ញុំ បងស្រី ត្រឹងធីង៉ុកហ៊ឹង លេខាសម្ព័ន្ធយុវជនស្រុកថ្កូវឲ្យដឹង៖ ក្នុងខែយុវជន សម្ព័ន្ធយុវជនស្រុកថ្កូវបានផ្តោតលើការអនុវត្តសំណង់ វគ្គការងារចូលរួមកសាងជនបទថ្មី កសាងអារ្យធម៌ទីកក្រុងដូចជា៖ ជួសជុលផ្លូវគមនាគមជនបទ ចលនាកសាងស្ពានជនបទ បណ្តាសំណង់ «ឆ្លុះបំភ្លឺផ្លូវជនបទ» បណ្តាសកម្មភាព «រួមដៃការពារបរិស្ថាន ការពារព្រែកមាតុភូមិ» បណ្តាសកម្មភាពប្រឹក្សាអាជីព ប្រឹក្សាជម្រើសសិស្ស ប្រឹក្សាការងារធ្វើជូនមុខសញ្ញាយោធិនចេញពីជួរកងទ័ព សម្ព័ន្ធយុវជនមូលដ្ឋានមិនទាន់មានការងារធ្វើ បណ្តាសកម្មភាពសុខុមាលភាពសង្គម សកម្មភាពថែទាំកុមារ។ល។

ចំពោះយុវវ័យស្រុកថ្កូវ ខែយុវជនបានក្លាយជាសាលាអនុវត្តជាក់ស្តែងដ៏សំបូរបែប ជាបរិយាកាសសម្រាប់សមាជិកសម្ព័ន្ធយុវជនបង្ហាញពីចំណង់ចំណូលចិត្ត ក្លៀវក្លារបស់យុវជន។ ពិសេសគឺលើកកំពស់ស្មារតីស្ម័គ្រចិត្តចំពោះសង្គមនិងសហគមន៍ ជំរុញឲ្យមានមោទនភាពចំពោះយុវជនអំពីប្រពៃណីដ៏រុងរឿងរបស់សម្ព័ន្ធយុវជនកុម្មុយនិស្តហូជីមិញ។

បងស្រ្តី ត្រឹងធីង៉ុកង៉ឹន លេខាសម្ព័ន្ធយុវជនស្រុកថ្កូវបានឲ្យដឹង៖ ឆ្នាំ ២០២៤ សម្ព័ន្ធយុវជនគ្រប់លំដាប់ថ្នាក់បានបង្កើតប្រធានបទប្រចាំឆ្នាំជាឆ្នាំយុវជនស្ម័គ្រចិត្ត។ ចាប់តាំងពីពេលនោះមក សម្ព័ន្ធយុវជនស្រុកថ្កូវបានបន្តខិតខំបំពេញការងារបានល្អក្នុងការអប់រំសមាជិកសម្ព័ន្ធយុវជន យុវវ័យ កុមារតាមរយៈការអនុវត្តចលនានេះ។ លើកកម្ពស់តួនាទីឈានមុខរបស់យុវជនក្នុងការអនុវត្តការងារនយោបាយរបស់មូលដ្ឋាន អង្គភាព និងផ្តោតលើការអនុវត្តចលនាបដិវត្តន៍ចំនួន៣ និងកម្មវិធីរួមដំណើរជាមួយយុវជនចំនួន៣ ដើម្បីរួមចំណែកដល់ការអភិវឌ្ឍន៍យុវជន នឹងបានធ្វើឲ្យជាក់ស្តែងក្នុងបណ្តាសកម្មភាពស្ម័គ្រចិត្តដើម្បីជីវភាពសង្គម ដើម្បីសុខុមាលភាពសង្គម ជូនសមាជិកសម្ព័ន្ធយុវជន យុវជនចូលរួមអនុវត្តនូវបណ្តាសំណង់ វគ្គការងារយុវជន។ រាល់ចលនាសកម្មភាពត្រូវតែមានការច្នៃប្រឌិត និងភាពបត់បែនក្នុងវិធីសាស្រ្តរៀបចំ សមស្របនឹងស្ថានភាពមូលដ្ឋាន និងរីកចម្រើនកាន់តែខ្លាំងឡើងទាំងពីទំហំ ប្រសិទ្ធភាព បង្កើតបរិយាកាសល្អសម្រាប់យុវជន យុវវ័យខិតខំរៀនសូត្រ និងធ្វើតាមសតិអារម្មណ៍ សីលធម៌ និងឥរិយាបថហូជីមិញ។

ដើម្បីធ្វើខែយុវជនឆ្នាំ ២០២៤ ពិតជាមានប្រសិទ្ធភាព អត្ថន័យនិងជាក់ស្តែង សម្ព័ន្ធយុវជនខេត្តត្រាវិញ បានកំណត់យ៉ាងច្បាស់នូវក្រុមភារកិច្ច និងដំណោះស្រាយចំនួន៣។ ជាក់ស្តែងនោះគឺ ការងារផ្សព្វផ្សាយ អប់រំ។ រៀបចំបណ្តាសកម្មភាពថែទាំ រួមដំណើរនិងពង្រីកយុវជន។ កសាងសម្ព័ន្ធយុវជនរឹងមាំ បើកទូលាយរណសិរ្សសាមគ្គី ប្រមូលផ្តុំយុវជន សម្ព័ន្ធយុវជនចូលរួមកសាងបក្ស និងប្រព័ន្ធនយោបាយ។ ត្រាវិញខិតខំឲ្យមានគំនិត និងគំនិតផ្តូចផ្តើមចំនួន ១០០ របស់សមាជិកសម្ព័ន្ធយុវជនបានអង្គការសម្ព័ន្ធយុវជន គាំទ្រដល់ការអនុវត្ត និងការអនុវត្តជាក់ស្តែង។ ដាំដើមឈើថ្មីជាង ៨០០ដើម ផ្សាភ្ជាប់ជាមួយការងារការពារបរិស្ថាន។ បណ្តាស្រុក ទីផ្សាររួមខេត្ត សម្ព័ន្ធយុវជនទីក្រុង ផែនបណ្តាស្ថាប័ន និងអាជីវកម្មខេត្តផ្សព្វផ្សាយនូវកម្មវិធីជាច្រើន «អនុវត្តបច្ចេកវិទ្យាក្នុងឃោសនា ផ្សព្វផ្សាយទេសចរណ៍ វប្បធម៌ខេត្តត្រាវិញ»។ល។

បងត្រឹងទ្រីកឿង លេខាសម្ព័ន្ធយុវជនត្រាវិញបាននិយាយ៖ ទោះបីនៅមានគុណវិបត្តិខ្លះនិងបញ្ហាប្រឆោមជាច្រើនក៏ដោយ ប៉ុន្តែជាមួយសេចក្តីក្លៀវក្លារបស់យុវវ័យ សម្ព័ន្ធយុវជនគ្រប់លំដាប់ថ្នាក់ និងសមាជិកសម្ព័ន្ធយុវជនក្នុងទូទាំងខេត្តបានប្តេជ្ញាចិត្តជម្នះរាល់ការលំបាក ឆ្លងកាត់រាល់ការសាកល្បង ពង្រីកតួនាទីឈានមុខ ស្ម័គ្រចិត្ត ឆ្នៃប្រតិដ្ឋ នាំយកទេពកោសល្យ កម្លាំងយុវវ័យកសាងនិងការពារមាតុភូមិ រួមចំណែកជាមួយបក្ខភាគ រដ្ឋអំណាចនិងប្រជាជនក្នុងខេត្តរក្សាខ្ជាប់ខ្ជួន និងពង្រីកប្រវេណីបដិវត្តន៍ អនុវត្តគោលដៅធ្វើឲ្យខេត្តត្រាវិញបានក្លាយជាខេត្តអភិវឌ្ឍន៍ក្នុងក្រុមកំពូលនៃតំបន់វាលរាបទន្លេគឺវឡុងមុនឆ្នាំ ២០៣០។

ទិសដៅខាងមុខ សម្ព័ន្ធយុវជនគ្រប់លំដាប់ថ្នាក់ក្នុងខេត្តបន្តជំរុញមាំការងារឃោសនា អប់រំក្នុងសមាជិកសម្ព័ន្ធយុវជន កុមារអំពីសតិអារម្មណ៍ សីលធម៌ ឥរិមាបថហូជីមិញ។ ពង្រីកស្មារតីឈានមុខ ស្ម័គ្រចិត្តរបស់យុវជន ដើម្បីជីវភាពសហគមន៍។ ឆ្លងតាមរយៈនេះ បង្កើតបានការផ្លាស់ប្តូរវិជ្ជមានក្នុងការយល់ដឹង សកម្មភាពរបស់សមាជិកសម្ព័ន្ធយុវជន នាំការរៀនសូត្រ និងធ្វើតាមអ៊ំចូលក្នុងជីវភាពជាក់ស្តែង៕