គណៈកម្មាធិការប្រជាជនខេត្តបូកសរុបបឋមស្ថានភាពសេដ្ឋកិច្ច-សង្គមខែមីនា និងត្រីមាសទី១ ឆ្នាំ២០២៤
កាលពីព្រឹកថ្ងៃទី ២០ ខែមីនា ប្រធានគណៈកម្មាធិការប្រជាជនខេត្ត ឡេវ៉ាំងហាំង ធ្វើអធិបតីអង្គប្រជុំបូកសរុបបឋមស្ថានភាពសេដ្ឋកិច្ច-សង្គមខែមីនា និងត្រីមាសទី១ ឆ្នាំ២០២៤។
អញ្ជើញចូលរួមមានអ្នកស្រីយឿងធីង៉ុកធើ អនុប្រធានក្រុមប្រឹក្សាប្រជាជនខេត្ត បណ្តាអនុប្រធានគណៈកម្មាធិការប្រជាជនខេត្ត៖ ឡេថាញ់បិញ ង្វៀងគ្វិញធៀន ង្វៀងទ្រុងហ្វាង និងថ្នាក់ដឹកនាំបណ្តាមន្ទីរ គណៈ ស្ថាប័ន គណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុង។
ស្ថានភាពសេដ្ឋកិច្ច-សង្គមខែមីនា និងត្រីមាសទី ១ ឆ្នាំ២០២៤ មានភាពលំនឹងជាសារវន្ត និងកើនឡើងបើធៀបនឹងរយៈពេលដូចគ្នា។
កំណើនសេដ្ឋកិច្ចក្នុងត្រីមាសទី១ ប៉ាន់ស្មានប្រមាណសម្រេចបាន ១៥,២៥%។ ក្នុងនោះ តំបន់១ កើន២,៨៨% តំបន់២ កើន៤៨,៨២% និងតំបន់៣ កើន ៥,០៦%។
ប្រមូលថវិកាប៉ាន់ស្មានសម្រេចប្រមាណជាង ២.៣៤០ពាន់លានដុង ភាគលាភត្រួតត្រីមាសទី១ ប្រមូលបានជាង ៤.៩២០ពាន់លានដុង សម្រេច ៣៦,០៤%នៃការប៉ាន់ស្មានប្រមាណ កើន៧,៧៥% ប្រៀបជាមួយដំណាក់កាលដូចគ្នា។ ចំណាយថវិកាជាង៦២០ពាន់លានដុង ភាគលាភត្រួតត្រីមាសទី១ចំណាយជិត ២.១៦០ពាន់លានដុង កើន ៣៨,៦៦%ប្រៀបជាមួយដំណាក់កាលដូចគ្នា។
តម្លៃផលិតកសិកម្ម រុក្ខាប្រមាញ់ និងជលផលក្នុងត្រីមាសទី១ ប៉ាន់ស្មាន សម្រេចប្រមាណជាង ៦.៧៤០ពាន់លានដុង សម្រេច ២០.៩១% នៃផែនការ កើនឡើង ២,៩% ប្រៀបនឹងរយៈពេលដូចគ្នានេះ។ អំពីការកសាងជនបទថ្មី មាន ៨៥/៨៥ ឃុំជនបទថ្មី ឃុំចំនួន ៤៨ សម្រេចលក្ខឋានជនបទថ្មីលើកកំពស់ និងឃុំចំនួន ៤ សម្រេចប្រមាណជនបទថ្មីខ្នាតគំរូ ខេត្តសម្រេចបាន៥/៨ ភាគកម្រិត។
ផលិតឧស្សាហកម្មបានកើនឡើងយ៉ាងខ្លាំង សន្ទស្សន៍ផលិតឧស្សាហកម្មកើន ៥៧% តម្លៃផលិតឧស្សាហកម្មប៉ាន់ស្មានសម្រេចប្រមាណជាង៣.៧៦០ ពាន់លានដុង កើន ៤៧,៩៧%។ ភាគលាភត្រួតត្រីមាសទី១ សន្ទស្សផលិតឧស្សាហកម្មកើន ១០២,៦៦% តម្លៃផលិតឧស្សាហកម្មជាង ៩.៣៩០ពាន់លានដុង សម្រេច ២៣,២៩% នៃផែនការ កើន ២៦,០៣% ប្រៀបជាមួយដំណាក់កាលដូចគ្នា។
ការលក់រាយមុខទំនិញសរុបរួម និងប្រាក់ចំណូលពីសេវាកម្មក្នុងខែប៉ាន់ស្មានសម្រេចប្រមាណជាង ៥.000 ពាន់លានដុង ភាគលាភត្រួតត្រីមាសទី១សម្រេច ជាង ១៥.៣២០ ពាន់លានដុង សម្រេច ២៥,៨២% នៃផែនការ កើន ១៤,១៣% ប្រៀបនឹងរយៈពេលដូចគ្នា។
ការងារក្តាប់ស្ថានភាពផលិតនៅតាមសហគ្រាស ពង្រីកផលិតផល OCOP និងវឌ្ឍនភាពនៃការអនុវត្តន៍គម្រោងការរបស់វិនិយោគិនបានយកចិត្តទុកដាក់យ៉ាងខ្លាំង បណ្តាសកម្មភាពសុខុមាលភាពសង្គម តបស្នងសងគុណ ថែទាំសុខភាពប្រជាជន អនុវត្តលើកកំពូលវាយបង្ក្រាបឧក្រិដ្ឋជនទទួលបានលទ្ធផលសំខាន់ៗជាច្រើន។ ចាត់តាំងប្រគល់ទទួលកងទ័ពឆ្នាំ ២០២៤ សម្រេច១០០% គោលដៅប្រគល់។
ក្រៅពីនោះ ក្នុងខែមីនា បង្កការងារធ្វើថ្មីជូនពលករជាង ១.៥៩១នាក់ បញ្ជូនពលករចំនួន ៧៦ នាក់ទៅធ្វើការនៅប្រទេសក្រៅមានពេលកំណត់ ភាគលាភត្រួតត្រីមាសទី១ ដោះស្រាយការងារធ្វើថ្មីជូនពលករចំនួន ៥.៤៤៧នាក់ សម្រេច ២៣,៦%នៃផែនការ បញ្ជូនពលករចំនួន ៣៥៧នាក់ទៅធ្វើការនៅប្រទេសក្រៅមានពេលកំណត់ សម្រេច ៣៩,៦%នៃផែនការ។
ទន្ទឹមជាមួយលទ្ធផលសម្រេចបាន ស្ថានភាពសេដ្ឋកិច្ច-សង្គមនៅមានកំណត់មួយចំនួនដូចជា កម្រិតទឹកប្រៃកើនឡើងខ្ពស់នៅតាមច្រកព្រែកមួយចំនួនអាស្រ័យដោយអាកាសធាតុក្រៅខ្លាំង។ ទឹកជំនោរខ្ពស់បណ្តាលឲ្យបាក់ស្រុតទំនប់ច្រាំងមួយចំនួន បង្កអន្តរាយដំណាំ ផ្ទះមួយចំនួនរបស់ប្រជាជន។ ជំងឺគ្រោះថ្នាក់មួយចំនួននៅលើដំណាំ សត្វចិញ្ចឹមកើតឡើងវិញដូចជា ជំងឺជ្រូតអាហ្វ្រិក ជំងឺឆ្កែឆ្កួត បង្កូវក្បាលខ្មៅបំផ្លាញដូង។ល។
សមមិត្ត ឡេវ៉ាំងហាំង ប្រធានគណៈកម្មាធិការប្រជជាជនខេត្ត ថ្លែងការណ៍នៅអង្គប្រជុំ។
ថ្លែងយោបល់ចង្អុលការនៅសន្និបាត ប្រធានគណៈកម្មាធិការប្រជាជនខេត្ត ឡេវ៉ាំងហាំង ស្នើមន្ទីរកសិកម្មនិងអភិវឌ្ឍន៍ជនបទ និងបណ្តាមូលដ្ឋានតាមដានដិតដល់ស្ថានភាពផលិតកសិកម្ម ផ្តោតលើការកំណត់តំបន់ និងដោះស្រាយដាច់ស្រេចជំងឺជ្រូកអាហ្រ្វិក ដង្កូវក្បាលខ្មៅបំផ្លាញដូងជាដើម។ ពង្រឹងការផ្សព្វផ្សាយចាក់ថ្នាំបង្ការសត្វចិញ្ចឹម យកចិត្តទុកដាក់បង្ការជំងឺគ្រោះថ្នាក់នៅពេលវេលាផ្លាស់ប្តូររដូវកាល។
ជំរុញសម្ទុះអនុវត្តកម្មវិធីគោលដៅជាតិចំនួន៣ ពង្រឹងការគៀងគរ រួមបញ្ចូលបណ្តាប្រភពកម្លាំងកសាង និងលើកកម្ពស់គុណភាពបណ្តាលក្ខឋានរបស់ឃុំ ស្រុកជនបទថ្មី ជនបទថ្មីលើកកម្ពស់។ បង្ហើយនូវគម្រោងការបង្កើតមន្ទីរពេទ្យស្តារនីតិសម្បទាចំណុះមន្ទីរសុខាភិបាល ដោយមានគ្រែចំនួន៣០០។
ពង្រឹងការងារយាមល្បាត គ្រប់គ្រងក្តាប់ស្ថានការណ៍ ធានាសន្តិសុខនយោបាយ សណ្តាប់ធ្នាប់ សុវត្ថិភាពសង្គម កាត់បន្ថយគ្រោះថ្នាក់ចរាចរណ៍។ សម្រេចគម្រោងការ ការអនុម័តគម្រោងការការងារ ជំរុញមាំកំណែនទម្រង់រដ្ឋបាល ផ្តោតលើវិធានការកែលម្អចំណាត់ថ្នាក់បណ្តាសន្ទស្ស PCI, PAPI, Par Index, SIPAS ។ល។
ទន្ទឹមនឹងនោះ ប្រធានគណៈកម្មាធិការប្រជាជនខេត្តសំណូមពរគណៈចង្អុលការស្តីពីការប្រយុទ្ធប្រឆាំងការទាញយកជលផលសមុទ្រខុសច្បាប់ មិនរបាយការណ៍ និងមិនទៅតាមការកំណត់ ព្រមទាំងបណ្តាអង្គភាពមានជាប់ពាក់ព័ន្ធពង្រឹងការងារព័ត៌មាន ឃោសនាដើម្បីលុបការព្រមាន «កាកលឿង» របស់គណៈកម្មាធិការអឺរុប៕